नेपाली हास्यव्यङ्ग्य अनलाइन पत्रिका

काठमाडाैं, २०८२ असार ९ । नेपाल प्रज्ञा-प्रतिष्ठानले आज मिति २०८२ असार ९ गते आयोजना गरेको राष्ट्रिय कविता महोत्सवमा सहभागी भएका कविहरूमध्ये मूल्याङ्कन समितिबाट सिफारिस भएअनुसार सर्वोत्कृष्ट १० (दश) जना कविहरूका कविता पुरस्कारका लागि छनोट भएको सूचना सार्वजनिक भएको छ ।

यसरी छनाेट भएकामा वर्णानुक्रम अनुसार अविनाश भट्टराईको ‘छुटिजानेहरूको नाममा’, कर्ण संजयको ‘पिताजी अहाँ के छलौ’ (मैथिली भाषा), किशन पौडेलको ‘पृथ्वीको क्रन्दन’, गोमा श्रेष्ठको ‘भालेको मौन विद्रोह’ र चन्द्रमणि चापागाईको ‘औजार’ शीर्षाककाे कविता परेका छन् ।

त्यसै गरी तुलसी केसीको ‘तिम्रो गाउँको शून्यता’, मिरमा (रमा सुवेदी)को ‘अचेल हरेक रात पहाड़ रुन्छ’, शमूएल कोइराला विश्वकर्माको ‘नेपाल मेरो घर’, सन्ध्या महर्जनको ‘हिउँ स ले तनाच्वंगु मौन म्हगस’ (नेपालभाषा), र सिर्जन अविरलको ‘जीवनको महक’ शीर्षकका कविता सर्वाेत्कृष्ट  दशमा परेका छन्।

पुरस्कृत १० जना कविहरू प्रत्येकले रु ४० हजार नगद राशि प्रदान गरिएकाे छ।

०००
तस्विर : किशन पाैडेल, मकवानपुर