नेपाली हास्यव्यङ्ग्य अनलाइन पत्रिका

प्रसन्न छन् मुहार यी सुकाव्य पस्कने सँग
उदात्त छन् विचारका मुहान यी रङै रङ
थिए चट्याङ माझमा मुकेश छेउमा बसी
मुसुक्क कल्पना थिइन् दुवै निमित्त तागती ।।

भक्तपुर । महिनाको तेस्रो शनिबार भक्तपुर बुढ्यौली साहित्य समाज र अनुशीलन नेपालको २६ औँ संयुक्त रचनावाचन कार्यक्रम तथा हास्यव्यङ्ग्यकार चट्याङ मास्टरकाे ७३ औँ शुभ जन्मोत्सव साहित्यिक कार्यक्रम सम्पन्न भयाे ।

भक्तपुरको सल्लाघारीस्थित अक्सफोर्ड प्राक्टीकल स्कुलमा सम्पन्न कार्यक्रम समाजका उपाध्यक्ष दीनानाथ पोख्रेलको सभापतित्व एवम् प्राडा मुकेश कुमार चालिसेको प्रमुख आतिथ्यमा भएकाे हाे ।

कार्यक्रममा चट्याङ मास्टर र डा. इन्दुल केसी विशिष्ट अतिथि रहनुभएको थियो भने डा सीता सुवेदी र कल्पना काफ्लेको आतिथ्य रहेको थियो ।

कार्यक्रमको सुरुमा चट्याङ मास्टरलाई अभिनन्दन गरियो । त्यसपछि उहाँलाई बधाई तथा शुभकामना आआफ्ना रचनाद्वारा गर्ने सर्जकज्यूहरूमा क्रमश : विश्वनाथ ढुङ्गेल, वसन्ती भुजेल, जुनू घिमिरे, रामशरण न्यौपाने, गोपालकुमार मैनाली, भावना न्यौपाने, कृष्णप्रसाद पौडेल, ढकाल शिखरनाथ बेलकोटे, लालबहादुर भुजेल, केशव ज्ञवाली आगत, ज्ञानु दाहाल, शीला खरेल, डा. इन्दुल केसी हुनुहुन्थ्याे ।

त्यसैगरी दुर्गा घिमिरे, अनन्तकुमार बस्नेत, धरणीघर गुरागाईं, रचना दाहाल, टीका श्रेष्ठ, प्रमुना पौडेल, कल्पना काफ्ले, कविराज घिमिरे, जीवनाथ अधिकारी, डा. सीता सुवेदीबाट रचना समीक्षासमेत गरिएकाे थियाे ।

चट्याङ मास्टरबाट कृतज्ञता व्यक्त भएव.पछि प्रा.डा. मुकेश चालिसेबाट बुढ्यौलीका विविध विषयमा चर्चा र समाध्यक्षबाट साहित्यको समसामायिक विषयमा चर्चा गर्दै कार्यक्रम अन्त्य गरिएकाे थियो ।

कार्यक्रममा स्वागत रामशरण न्यौपानेबाट र धन्यवाद वसन्ती भुजेल एवम् कार्यक्रमको बारे कविराज घिमिरेद्वारा प्रकाश पारिएको थियो भने सञ्चालन जीवनाथ अधिकारीले गर्बानु भएकाे थियाे ।

०००
कविराज घिमिरेकाे साैजन्यमा