नेपाली हास्यव्यङ्ग्य अनलाइन पत्रिका

काठमाडाैं । कर्मदा सिर्जना मञ्च नेपाल, पाउँदीबजार लमजुङले ५८ औँ रचनावाचन कार्यक्रम सम्पन्न गरेको छ ।
संस्थाका अध्यक्ष जगदीश्वर पोखरेलको अध्यक्षता तथा प्रमुख आमन्त्रित वरिष्ठ कवि कलानिधि दाहाल, विशिष्ट अतिथि डा. बमबहादुर थापा जिताली, गणेश आत्रेय, समीक्षक पुरुषोत्तम सिग्देलको गरिमामय उपस्थितिमा भव्यरूपमा सम्पन्न भयो ।

लमजुङको प्रवेशद्वारमा रहेको साहित्यिक संस्थाको कविगोष्ठीमा छन्द, स्वछन्द, कविता, सुसेली, मुक्तक, खोरिया, लोकछन्दका कविता रोचक ढङ्गबाट कविहरूले प्रस्तुत गरे । देश भक्ति भावले भरिएका, जनचेतना मूलक तथा सामाजिक विकृति बिरुद्ध प्रहार गरिएका रचना वाचन गरेका थिए ।

यस गरिमामय गोष्ठीमा सिर्जना वाचन गर्ने सर्जक कलानिधि दाहाल (अनुष्टुप् – हुन्न दुश्मन), पुरुषोत्तम सिग्देल ( अनुष्टुप् – गर्जिन्छ चन्द्रागिरि), डा. बमबहादुर थापा जिताली ( शार्दूलविक्रीडित – सिपाही), गणेश आत्रेय ( वसन्ततिलका – झोले), जनार्दन अधिकारी धड्कन (खोरिया – जिन्दग भयो अमिलो), गङ्गा लिगल (स्वच्छन्द – अमूल्य आँसु), दुर्गाप्रसाद सिग्देल (शार्दूलविक्रीडित – बा), विन्दु दाहाल (शार्दूलविक्रीडित – बन्दैन मान्छे ), दुष्यन्त भटराईं (मञ्जुला- चण्ड मुण्का दल) जगदीश्वर पोखरेल (बीभत्स – भूभाग वैरी ताक्तछन् हाम्रो बचाऔँ अस्मिता), सुधा बाँस्कोटा ढकाल (मालिनी – जिन्दगीको कहानी), राचन्द्र न्यौपाने (अनुष्टुप् – ज्ञानगुनका कुरा), डिल्लीप्रसाद मुलतिहून( स्रग्विणी – बा), ध्रुवराज मिश्र ( लोकछन्द – कर्मदा) टेकबहादुर लौडारी (स्रगविणी – कर्मदा), वासु ठकुरी (इन्द्रवज्रा – अभिशप्त जिन्दगी), सूर्यकुमार पण्डित (मालिनी- आँसु झारी), चन्द्रावती अधिकारी (भुजङ्गप्रयात – संस्कार), द्वारिका कुइँकेल (लोकछन्द– सीमा व्यथा), लक्ष्मिप्रसाद मिश्र ( चारु ), पवनकुमार बुढाथोकी (मुक्तक), सुरेशचन्द्र घिमिरे (चारु – शृङ्गारिक), वीरबहादुर लोहनी (सवाई – मिर्रमिरे), चन्द्रा न्यौपाने (सुसेली ), रामकृष्ण अधिकारी (कर्मदालाई शुभकामना) र वसन्त खनाल (कर्मदालाई शुभकामना हुनु हुन्थ्यो ।

प्रमुख अतिथि कलानिधि दाहालले कर्मदा सिर्जना मञ्च नेपालले छन्दको उन्नयनमा योगदान गरेको छ भन्नुभयो । स्थापित र नवोदित सर्जकलाई आफ्ना रचना प्रस्तुत गर्ने, सिक्ने सिकाउने अवसर प्रदान गरेको छ भन्नु भयो । कर्मदालाई शुभकामना व्यक्तगर् भएको थियो । समीक्षक पुरुषोत्तम सिग्देलको कविताको सटिक समीक्षा गर्नु भयो ।

समीक्षक पुरुषोत्तम सिग्देलले वाचन गरेका सिर्जनाको सुललित किसिमले समीक्ष गर्नु भएको थियो ।
अध्यक्ष जगदीश्वर पोखरेलले गोष्ठीको संयोजन गर्नु भएको थियो । संस्थाको अनुरोधलाई स्वीकार गरेर सहभागी भएर कविगोष्ठी सफल बनाई दिनु हुने सम्पूर्ण सर्जकलाई धन्यवाद दिदै समारोह समाप्त भएको घोषणा गर्नु भएको थियो ।
०००
जगदीश्वर पाेखरेलकाे साैजन्यमा