नेपाली हास्यव्यङ्ग्य अनलाइन पत्रिका

अमर सन्तति :

१.
हिजोआज मान्छे मान्छे बीच द्वन्द हुँदैछ
बुद्धि विवेक उसको असाध्य मन्द हुँदैछ
मान्छेको दुनियाँमा मौलाएको त्यो स्वार्थले
चारैतिर नै मानवताको ढोका बन्द हुँदैछ ।

२.
दुख्ला मन भनी कतै नि पोल्नु हुन्न उहाँ
मनको कुरा मनमै राखी खोल्नु हुन्न उहाँ
सुन्नुहुन्छ सबै कुरा एकान्तमा बसी
काम मात्रै गर्नुहुन्छ बोल्नु हुन्न उहाँ ।

३.
कोही कोही त आफन्त पनि इखालु हुँदा रैछन्
जङगली काँडाभन्दा पनि तिखालु हुँदा रैछन्
नपर्नु नि रैछ भर, नगर्नु नि रैछ विश्वास,
कालकुट विषभन्दा पनि विखालु हुँदा रैछन् ।

०००
भक्तपुर