कमला पन्थी अधिकारीवृद्धका सकसकाे गर ख्याल
पालपाेष उनकाे नित गर्नू भाेक राेग सबबाट उतार्नू हुन्छ बस्त्रतिर नै कफ राल वृद्धका सकसकाे गर ख्याल।
कमला पन्थी अधिकारी :
वृद्ध व्यक्ति जति छन् गर मान
गर्नु हुन्न कहिले अपमान
बुझ्नु पर्छ उनकाे सब हाल
वृद्धका सकसकाे गर ख्याल। १।
सान मान घरकाे यति जान
ज्ञान बुद्धि उनकाे सब मान
पर्नु हुन्न कहिले अबगाल
वृद्धका सकसकाे गर ख्याल।२।
राेग भाेक तनमा छ कि साेध
गर्नु हुन्न उनकाे अवराेध
दुःख दर्द जति छन् पर फाल
वृद्धका सकसकाे गर ख्याल ।३ ।
श्वेत केश तन वृद्ध र जीर्ण
खानपान पनि हुन्छ अजीर्ण
शक्तिहीन उनकाे छ बिहाल
वृद्धका सकसकाे गर ख्याल । ४।
पालपाेष उनकाे नित गर्नू
भाेक राेग सबबाट उतार्नू
हुन्छ बस्त्रतिर नै कफ राल
वृद्धका सकसकाे गर ख्याल। ५ ।
०००
काठमाडाैं
Subscribe
Login
0 Comments
Oldest
