कमला पन्थी अधिकारीचाहिन्न दाह्री कवि बन्नलाई
धेरै पुरानाे जुन साेच राख्थे कुर्ता र धाेती परिधान मान्थे त्यस्ताे कुनै छैन यहाँ सवाई चाहिन्न दाह्री कवि बन्नलाई ।
कमला पन्थी अधिकारी :
लेख्ने कलाले सबले चिनेका
शब्दार्थले भाव निकै बुनेका
बुझ्ने गरी लेख्न सके रमाई
चाहिन्न दाह्री कवि बन्नलाई ।१।
खाेजी गरी देश विदेश माझ
सन्देशकाे स्राेत कहाँ छ आज
भन्ने विचारी नित लेख्नलाई
चाहिन्न दाह्री कवि बन्नलाई ।२।
धेरै पुरानाे जुन साेच राख्थे
कुर्ता र धाेती परिधान मान्थे
त्यस्ताे कुनै छैन यहाँ सवाई
चाहिन्न दाह्री कवि बन्नलाई ।३।
के के नराम्रा घटना अनेक
राम्रा कतै काम भए सदैव
प्रस्ट्याउने ती कवि हुन् मिलाई
चाहिन्न दाह्री कवि बन्नलाई ।४।
०००
काठमाडाैं
Subscribe
Login
0 Comments
Oldest
