नेपाली हास्यव्यङ्ग्य अनलाइन पत्रिका

ईश्वर पोखरेल :

“सर, विश्वव्यापी फुटबल म्याचमा कुन देशको पक्षमा?”

“म निष्पक्ष !”

“किन; फुटबल म्याच त हेर्नुहुन्छ होला !”

“पहिलेपहिले खुब हेर्थें; अचेल हेर्दिनँ ।”

“किन त ? अचेल त झन् भव्य म्याच हुन्छ ।”

“त्यस्तो होइन ।… पहिलेपहिले छोराहरूले ‘फुटबल किनिदेऊ’ भन्थे । किन्न ढिलो गरे रूने/कराउने गर्थे । अनि म उनीहरूसंगै पसलमा जान्थें; फुटबल माग्थें र ओर्काईफर्काई हेर्थें : खुब हेर्थे । …अब छोराहरू ठूला भए । आफै पनि किन्न सक्ने भए ।… मैले फुटबल हेर्न छाडेँ ।”

०००