नेपाली हास्यव्यङ्ग्य अनलाइन पत्रिका

कोशी अञ्चल अन्तर्गत सुनसरी जिल्लाको विजयपुरमा २००५मा जन्मिनुभएका पोख्रेलले भाषाविज्ञानमा विद्यावारिधि गर्नुभएको छ । प्रा.डा. पोखरेल त्रिभुवन विश्वविद्यालयमा लामो समय प्राध्यापन गरी सेवाबाट निवृत्त हुनुभएको हो । नेपालका भाषाविद्हरूमा पोखरेल अगुवामा मानिनुहुन्छ । नेपालमा प्रचलित भाषाहरूको अध्ययन, विश्लेषणमा रुचि राख्ने पोख्रेलका ‘मेरो मान्छे’ (२०५४), ‘ध्वनिविज्ञान र नेपाली भाषाको ध्वनि परिचय’ (२०५७), ‘नागदहको स्थिति’ (२०५९), ‘गार्गीको गाँठो (२०६२) जस्ता कृति प्रकशित छन् । उहाँले आफ्ना निबन्धहरूमा व्यङ्ग्यात्मक अभिव्यक्तिलाई आत्मसात् गर्नुभएको छ । सिस्नुपानी नेपालका सल्लाहकार रहनुभएका पोख्रेल फित्कौली प्रकाशनको आरम्भ (२०६२) देखि नै उत्प्रेरक र अहिले फित्कौली डटकमका सल्लाहकार हुनुहुन्छ ।