नेपाली हास्यव्यङ्ग्य अनलाइन पत्रिका

मुक्तिनाथ शर्मा न्याैपाने :

याैटा मित्र रमाइला चहकिला कस्केली काफ्ले थर
सामाजिक विकासकर्मी हँसिला साहित्यका साधक
वार्ताकार बडा पवित्र दिलका मान्छे ठुला हुन् तर
सारै भाे म पिसाव फेर्दछु भनी छिर्ने अरुका घर ।।१।।

अर्का सज्जन विज्ञ व्यक्ति रसिला दुव्ला र आकर्षक
प्रधान थरका सुपात्र घरका नाैलाे नयाँ नामका
मिलन्सार महान ठान्दछु म ता साझा पति हुन् तर
सारै भाे म पिसाव फेर्दछु भनी छिर्ने अरुका घर ।।२।।

सुन्दा केवल नामले पनि हुने आनन्द आनन्द नै
बक्ता बेस रमाइला सहृदयी सर भट्ट भै जानिने
हिड्दा हामी संगै चुनाव क्रममा जुलूस भै घर्घर
सारै भाे म पिसाब फेर्दछु भनी छिर्ने अरुका घर ।।३।।

गिरि देव जिवेन्द्र प्राज्ञ रसिला ती जाँगरैका धनी
चुनावी क्रममा सदा अघि अघि लागेर हिड्ने पनि
फुर्तिलाे जिउडाल ताल बढिया थाक्दै नथाक्ने तर
सारै भाे म पिसाव फेर्दछु भनी छिर्ने अरुका घर ।।४।।

दारी झुस्स बनाउने खुसु खुसु ठट्टा गरि हाँसने
शर्मा प्रेम त प्रेमकै प्रतीक हुन् भन्थे अरुले पनि
हामी पुरुष नारीकाे दल ठूलाे पुग्दा त बानेश्वर
सारै भाे पिसाव फेर्दछु भनी छिर्ने अरुका घर।।५।।

सर् पण्डित कडा पढाइ तगडा डाक्टर छ दर्जा पनि
चुनावी क्रममा अघि अघि हुने ती बुध्दिजीवी पनि
दाैडे टाेल भरी छिरे घर घरै बाेले बढिया तर
सारै भाे म पिसाव फेर्दछु भनी छिर्ने अरुका घर ।।६।।

जङ्गल् छैन यहाँ सुटुक्क पसुँ ता बन्दैन शाैचालय
झाेला प्लाष्टिककाे भिरुँ पनि भने फुट्ने चुहुने भय
नेताकाे पनि हाल त्यै छ बिचरा खप्ने कसाेरि बरा
सारै भाे म पिसाव फेर्दछु भनी छिर्ने अरुका घर ।।७।।

०००

नयाँ वानेश्वर, काठमाडाैं