नगिता लेप्चा राईझिल्के पण्डित
पुजा लाउनलाई पनि धेरै सोच्नु पर्ने दिन आयो । के अब हामीले यस्तै दशपल्ट पञ्च्यात बसेको, दशवटा पुलिस केस भएको गाउँ समाजबाट निकालिएको पण्डितलाई पुरोहित मान्नु ? सुर्ता लाग्छ सोच्दा पनि ।
नगिता लेप्चा राई :
मेरो गाउँमा बाहुन बाजेहरू जस्तो जस्तो भने पनि पाइन्छ । छानी छानी पाइन्छ । मैले पनि छानेर एक जना पुरोहितलाई गुरु मानेकी छु । हाम्रो गुरुजी सबै भन्दा बेग्लै छन् । उनलाई संस्कृत भन्दा अङ्ग्रेजी बेँसी आउँछ । सायद मोर्डन जमानाको भएर होला । गुरुजी सँग एक घन्टा बात गर्यो भने गुरुजीले तीन त्रिलोक चौध भुवन घुमाई दिन्छ । गुरुजीको कुराले निन्द्रा त पटक्कै लाग्दैन । साँच्चै आफू त्यही पुगेर आएको अनुभाव हुन्छ । तर कुरा सुन्नु थाले पछि चैँ बिचमा उठ्नु चैँ मिल्दैन । उनले वेन आई वाज दियर देखि शुरु गरेर वेन आई ल्यान्ड एट बाग्डोग्रा एयरपोर्ट सम्म सुन्नै पर्छ ।
तपाईंंहरूको गुरुजी कस्तो छन् कुनि हाम्रो गुरुजी चैँ साह्रै झिल्के । सोसिएल मिडियामा धेरै एक्टिब छन् । अस्ति एउटी केटीलाई बहिनी तपाइँलाई म साह्रै मन पर्छ । तपाईंलाई प्यान्टमा भन्दा सरीमा राम्री देखिन्छ मसँग घुम्न जाउँ न भनेछन् । ती बहिनीको बुढोले मेसेज देखेर पञ्च्यात नै राखुन्जेल भयो । झण्डै झण्डै गुरुजीलाई जिम्मा लागाउने सम्म कुरो पुगिसकेको थियो । त्यति मेसेजले मात्रै त जिम्मा लाउने कुरो नगर्नु पर्ने सायद अरु पनि मेसेज गरेको थियो होला बढोले ।
खै गुरुजी पनि के के गर्छन् गर्छन् । कुनै दिन यो सोसियल मिडियाले नै बढोको नौका डुबाउँछ होला भन्ने डर लाग्छ । हिज बेलुका गुरुजी मेरो घरमा आउनु भयो मैले सोधे गुरुजी के हौ तपाईंको त गाउँ भरी नराम्रो हल्ला पो सुन्दैछु त भनेको बढोले रुन्छे मुख पारेर नानी मैले त्यस्तो नराम्रो केही भनेको थिइन् । राम्रीलाई राम्री भन्नू पाप होर अरे । अन्त तपाईंंले त अरु पनि मेसेज गर्नु भएको रहेछ नि त भनेको हजुर मलाई त्यो केटी मनपर्छ पो अरे ।
अझै उल्टा मेरो केही दोष छैन मलाई फसाएको पो भन्छ । गुरुजीको भन्दा पनि विचरा उनको श्रीमतीको पो माया लाग्यो त्यस्तो मान सम्मान भएको मान्छे त्यत्रो भलो पञ्चको बिचमा लाजमर्दो भयो ।
बढो साह्रै झिल्के भएर पनि हो गाउँ घरमा कुनै नयाँ केटी आएको देख्नै हुन्न फेस्बुकमा फ्रेन्ड रिक्वेस्ट पठाइ हाल्छ । एक दिन मैले इन्सटाग्राम चलाउँदै थिए नयाँ नाम देखेर होला बढोले हेलो लेखेर पठाए छ मेरो पालो पनि नमस्कार गुरुजी लेखिदिएकी थि बढो खात्राकखुत्रुक गयो त्यँहादेखि मेसेज आएन सायद बढोको नौनारी गल्यो जस्तो छ । गाउँ घरमा आएको सबै नयाँ केटीहरू मेरै हो भन्छ बढो ।
यस्तै छ हाम्रो गाउँको मान्यगन्य गुरुजीहरू अर्को एउटा गुरुजी छ उनको त झन् के नै कुरा गर्नु र उनलाई नमान्ने सायद कोही छैन होला । बिच बिचमा गुरुजी हराउने काँहा जान्थ्यो कसैलाई थाहा नहुने उनको आफ्नै श्रीमतीलाई पनि थाहा नहुने । अहिले गाउँभरि हल्ल छ बढोले त नेपालमा एउटा जेठी बुडी पो राखेको रहेछ । उसैलाई भेट्न जाँदा रहेछन् । कमाएर आउँछु भनेर भारत पसेका रहेछन् । एक दिन जेठी बुडि र छोरो बाउ खोज्दै आइपुग्यो । लु हेर्नुस् त बाहुन बाजेको चर्तिकला । आजकल उनलाई हाम्रो गाउँमा सबैले नक्कले बाहुन भन्छ । हजुरहरूले पनि खोज्नु पर्यो भने नक्कले बाहुनकै नामले खोज्नु होला ।
यस्ता यस्ता बाहुन बाजेहरूले हाम्रो गाउँको नाम चुर्लुम्मै डुबाएको रहेछ भन्ने कुरो मैले हिजाे बुझेँ । हिजाे म अफिस जाँदै थिएँ म सँगै गाडीमा अर्की एक जना यात्री थिइन् उनले मलाई तपाईंं काँहा बस्नु हुन्छ भनेर सोधिन् मैले मेरो गाउँको नाम लिइसक्दा नसक्दा अबुइ त्यो गाउँको त कस्तो कस्तो हल्ला छ है त्यहाँको पण्डितहरूलाई हामी कस्तो मान्थौँ अब कसरी गुरुजी भनेर पूजा लागाउनु, कसरी खुट्टा ढोग्नु त्यस्तो मान्छेको ?आजकल त छेत्री बाहुनले भन्दा मतवालीले नै आफ्नो इज्जत मान सम्मान राखेर हिँडेका छन् हौ है भनिन् ।
मलाई त लाज लाग्यो त्यो कुरा सुनेर आफू टाउको घोप्टाएर उता फर्किएँ । साँच्चै अब त्यस्ता बाहुन बाजेहरूको खुट्टा कसरी ढोग्नु ? त्यस्तोलाई कसरी पुज्नु ? साँच्चै इनीहरूले हाम्रो गाउँको नाम खराब गर्यो । अब त गुरुजी मान्नु पर्यो भने पनि विचार गर्नु पर्ने भयो । पूजा लाउनलाई पनि धेरै सोच्नु पर्ने दिन आयो । के अब हामीले यस्तै दशपल्ट पञ्च्यात बसेको, दशवटा पुलिस केस भएको गाउँ समाजबाट निकालिएको पण्डितलाई पुरोहित मान्नु ? सुर्ता लाग्छ सोच्दा पनि ।
एकजना दुईजनाले गर्दा अरु पण्डितहरूको पनि बदनाम भयो अरुलाई पनि त्यही नजरले हेर्नु पर्ने बनायो अब त गुरुजी मान्नु पनि डर सरि भयो एकजनाले गर्दा अरुप्रतिको विश्वास पनि टुट्यो ।
तपाईंहरूको गाउँ घरमा यस्तै झिल्के बाहुनहरू छन् कि छैनन् भन्नू होला ।
०००
खोलाफाप्री, सिलीगुडी
