ब्याकबाइटिङ् क्विन
तपाईं लेख्नु सक्नुहुन्न र त लेख्न सक्नेले लेखेकोलाई देखि नहसेको हई ! फेरि उनको जवाफ, होइन मैले नै लेख्न इण्ट्रेस्ट नगरेकी । मलाई पनि आर्टिकल माग्छन् नि भाइहरूले । मैले पठाउन थालेँ भने सम्पादकहरूले फुर्सद पाउँदैनन् ।
नगिता लेप्चा राई :
अर्काको कुरा गरेर अघाउन खोज्ने महाशयलाई कुरौटी भन्छौँ हामी । कुरौटीको स्वभाव आचार आचरण बानी बेहोराबारे मलाई भन्दा पनि तपाईंंलाई नै धेर याद होला । किनभने तपाईंको छर छिमेका कुरौटे वा कुरौटीहरू छैनन् भन्नु सुहाउँदैन ।
कुरौटीको कामै हुन्छ अर्काको कुरा गरेर दिन बिताउने । आज म तिनै कुरौटीको कुरा गरेर उनको धोती धुन चाहन्छु । एकदमै शान्त स्वाभावका हाम्री गाउँकी कुरौटी दिदी । उनलाई खुसी पार्नेलाई उनी भगवान नै मान्छिन् । तर बाईचान्स उनलाई खुशी पार्नु सकिएन भने सर्वनाश । भगवान मान्नेलाई एक आँखाले पनि हेर्न सक्दिनन् । अनि़ त उनकै विरुद्धमा कुरा गरेर कुराैटीको जात जनाउँछिन् ।
कस्तो बाठी छिन् भने कुरा बनाउनु र कुरा थप्नुमा जस्तै वकिललाई पनि जिताउँछिन् । तपाईंको कुरा गरेर तपाईंबाट नाफा लुट्छिन् । तर बाईचान्स उनले थाहा पाए यस्तो कुरा बनाउँछिन् मानो ऊ सेतो दूधमा नुहाउने स्वच्छ लेडी हुन् ।
एकदिन गाउँमा कुरौटीको झण्डै जगटा लुछियो । गाउँकी एकजना म्यामको गर्नुसम्म कुरा गरिछन् । चल्दो भाषामा भन्नु हो भने ब्याकबाइटिङ । सबैले उनलाई ब्याकबाइटिङ क्विन भन्ने गर्छन् । ब्याकबाइटिङ क्विनले म्यामको विरुद्धमा त्यो म्यामले समाज सेवाको नाममा पैसा लिन्छिन भनिछन् । बस्…. जसलाई यो कुरा गरिन् ब्याकबाइटिङ क्विनले उनले सोझै गएर म्यामलाई पोल हालिदिएछिन् । कुरा सुनेर रणचण्डीको रुप धारण गरिन् म्यामले । ब्याकबाइटिङ क्विनलाई हुन त गाउँमा कसैले मन पराउँदैनन् । बोल्नु त आन्द्रा गाँसेला जस्तो गरि बोलिदिन्छन् तर बाहिर बाहिर मात्रै । म्यामलाई बरु गाउँ घरमा सबैले इज्जत गर्छन् । सबैले मान्छन् । म्यामको चित्त नबुझेर उनले दुइचार जनाको छेउमा ब्याकबाइटिङ क्विनलाई बोलाएर सबै कुरा सोधिन् । तर य़स्तो बाठी… मैले हो भनेकी तर मैले त्यस्तो भनेकी होइन तपाईंलाई के भन्छिन् भनेर उनको मन चोरेकी पो त हरे ! छक्कै पर्यौँ हामी । एक भन्नु न दुइ भन्नु भयौँ । म्याम पनि केही बोल्नु सकिनन् ।
भन्नु उसो होइन कुरा बनाउनु, भत्काउनु र कुरा लाउनुमा ब्याकबाइटिङ क्विनले अनर्स नै पास गरेकी बराबर छ । राजनीतिमा पनि ब्याकबाइटिङ क्विनको चकमक कम्ति थिएन । अहिले राजनीतिबाट दूधबाट झिँगा निकाले जस्तै निकालेकोले अहिले मलाई चैँ राजनीति मनै पर्दैन भनेर आफ्नो लाज छोपिररहेकी हुन्छिन् ।
ब्याकबाइटिङ क्विनको एउटा घटिया बानी कस्तो छ भने, तपाईंको बारेमा मलाई एकजनाले यस्तो कुरा गर्दैथियो है भनेर उनको कैकयी राजनीति चलाइरहेकी हुन्छिन्। कसले भन्यो भन्दा एकजनाले भनेको… तर म नाम चाहिँ भन्दिनँ भनेरै टार्छिन् ।
गाउँमा कसैले नयाँ साडी किन्यो कि, गाउँका कुनै पनि युवती पुराणतिर गयो कि ब्याकबाइटिङ क्विनलाई कम्ति त खसखस हुँदैन । मुख स्याउँस्याउँ भएर हो कि के ले हो कोनि छेउमा हुनेलाई भनि हाल्छिन् औ… फलनालाई नयाँ साडी वा नयाँ सलवार कुर्ता कसले किन्देको होला हई । हुनसक्छ उनको यो ईर्ष्यामा रिस उठेर होला आ..होस् न है…जोसुकैले किनेदेवोस् न तपाईंलाई के को खसखस भनिदिए फेरि यति छिटो कुरा सच्याउँछन् खै के भन्नु । होइन भनेको नि । फेरि थप्छिन्, होइन फलानाले यति महङ्गो दामको लुगा किन्नै सक्दैन । छेवैमा हुने कोही त भद्र शान्त हुन्छिन् । उनी भन्छिन्, तपाईंलाई साह्रो पर्यो भने तपाईं पनि पुराण हुञ्जेल नयाँ नयाँ लुगा किन्नुहोस् अनि लाएर आउनोस् न भन्दिँदा फेरि बाठी ब्याकबाइटिङ क्विनको जवाफ सुन्नुहोस् न, होइन त्यो नयाँ लुगाले उसलाई कति सुहाएको हई । खै हामीलाई त जतिनै महङ्गो दामको लुगाले सुराउने होइन ।
एकदिन त प्रत्यक पुराणमा नयाँ लुगा किनेर लाउनेले चाल पाइछन् । उनले ब्याकबाइटिङ क्विनलाई सोध्दा होइन मैले त्यसो भनेकी.. मैले त परैलाई नयाँ लुगाले कस्तो सुहाएको । कसले आ मिन कुन टेलरले बनाइदिएको भनेकी पो त । बस कुरै सकियो । ब्याकबाइटिङ क्विनको यो बानी कहिले सुध्रिने हो । सुर्ता लाग्छ मलाई । कुन दिन यस्तो भड्खालोमा पर्छिन् त्यतिबेला उम्किने मौका पाउँदिनन् ।
ब्याकबाइटिङ क्विनको सबभन्दा घटिया बानी कस्तो छ भने, तपाईंको छेउमा तपाईंलाई प्रशंसाको चुलीमा पुर्याएर तपाईंलाई कहाँ पुर्याउँछिन् । तर तपाईं उदेखि अलिक टाढा भयो कि तपाईंविरुद्ध कुरा गरेर वाक्कै लाउँछिन् । बाई चान्स तपाईंले एउटा शब्द पनि थप्नु भयो भने बर्बाद । त्यही एउटा शब्दलाई उपन्यास बनाएर बक्छिन् बस उनी ठिक हुन्छिन् तपाईं बेठिक । उनी असल तपाईं कमसल ।
एकदिन मैले त भनिदिएँ, तपाईं अर्काकै कुरा मात्रै गर्नुहुन्छ । ती जम्मै कुराहरू बरू एउटा डायरीमा लेखेर उपन्यास नै बनाउनु नि । उसको उत्तर, त्यो लेख्नु जान्दिनँ र त यस्तो लेख्न जान्ने भा त यस्तो लेख्थेँ खै के भनुँ ?
यस्तो कुरा हुँदा एकजना दिदीले भनिहालिन्, तपाईं लेख्नु सक्नुहुन्न र त लेख्न सक्नेले लेखेकोलाई देखि नहसेको हई!
फेरि उनको जवाफ, होइन मैले नै लेख्न इण्ट्रेस्ट नगरेकी । मलाई पनि आर्टिकल माग्छन् नि भाइहरूले । मैले पठाउन थाल्यो भने सम्पादकहरूले फुर्सद पाउँदैनन् ।
विचारा ब्याकबाइटिङ क्विनलाई सम्पादकले पत्याए पो… आफै त चिनियाँको देवताजस्तो छिन् ।
जे होस्, ब्याकबाइटिङ क्विनलाई ईश्वरले सद्बुद्धि दिउन्।
०००
जलपाईगुडी (भारत)