साइबर अपराध सम्बन्धी सचेतना सामग्री

आन्दोलन

प्रतिपक्षले बाल हठ नछाड्ने हाे भने सरकार आन्दोलनमा जान बाध्य हुनेछ । ताजा जनादेशका लागि सरकार जनतासमक्ष जान तयार छ । कसैसामु घाेडा टेक्नेवाला छैन ...।

Nepal Telecom ad

रामप्रसाद पन्थी :

गाैतम बुद्धले स्वर्गकाे शान्त, एकान्त बगैंचामा ध्यान गर्दै थिए । गहिराे ध्यानमा रहेका बुद्धकाे अन्तर मनले नेपालको परिदृश्य देखाइरह्याे । जन्मभूमिकाे यादले बुद्धकाे ध्यान स्थिर रहन सकेन । उनले आफ्ना प्रिय शिष्य आनन्दलाई भने “शिष्य आनन्द, मलाई मेराे जन्मभूमि घुम्न मन लाग्याे ।” शिष्य आनन्दले भने “हवस् ।”

केही क्षणमै शिष्य आनन्दका साथमा नेपाल मण्डलमा अवतरण गरिहाले । उनी आफ्नो जन्मस्थल लुम्बिनी, मामघर देवदह लगायतका क्षेत्रहरूकाे पनि भ्रमण सम्पन्न गरे । अब बुद्धलाई काठमाडौं भ्रमण गर्न मन लाग्याे र त्यहाँ पुगे । माइतीघर मण्डला आसपासकाे क्षेत्रमा मानिसहरूकाे भिडभाड देखियाे । बुद्धलाई जान्ने इच्छा भयाे । उनले आनन्दलाई भने “शिष्य आनन्द त्यहाँ पर मानिसहरूकाे घुइँचो छ । कतै महायज्ञ हुन लागेकाे त हाेइन ? जाऊँ उतै । “शिष्य आनन्दका साथ बुद्ध मानिसहरूकाे घुइँचो भएतिर लागे ।

“जिन्दावाद ! जिन्दावाद !!”
“मुर्दावाद ! मुर्दावाद !!”
यस्ता नारा सुनेर बुद्ध अचम्मित हुन्छन् र भन्छन्- “कस्तो मन्त्र हाे याे आनन्द ?”
आनन्दले भिडमा रहेमध्ये एकजनासँग भलाकुसारी गरी बुद्धलाई जानकारी प्रदान गरे –
“याे मन्त्र हाेइन् भगवान् । यसलाई त नारा जुलुस भन्दछन् ।”
“अनि किन लगाएका रहेछन् त याे नारा जुलुस् ।?
“डाक्टरहरू कुटिए रे । सेवाकाे सुरक्षा भएन रे ..!”
बुद्ध र आनन्दले कुराकानी गर्दैगर्दा एकजना टाठाे स्वरले बाेलेकाे सुनियाे-
“हामीले आकस्मिक बाहेकका सबै सेवा बन्द गरेका छाैं । हामीले रातदिन केही नभनी सेवामा खटिँदा सम्मानकाे बदला के पायौँ ? हामी भगवान त हाेइन नि । हामीले हाम्रै आफन्त पनि त बचाउन सकेका छैनौं । हामी तमाम डाक्टरहरू आफै विमारी भएर पनि दिनरात काममा खटिएका छाैँ । हाम्रेा पीडा कस्ले सुनिदिने …?”

दाेस्राे दिन उसैगरी वानेश्वर चाेकमा घुम्दै गर्दा अझ विशाल जुलुस देखियाे । बुद्धले भने “आज फेरि के भएछ ?” एकछिनमै बुद्धले सुनिहाले-
जिन्दावाद ! जिन्दावाद !!”
“मुर्दावाद ! मुर्दावाद !!”
“जब सम्म हाम्रा मागहरू सरकारले सम्बाेधन गर्दैन तबसम्म विद्यालयहरू बन्द रहन्छन् । हामी पनि जिम्मेवार छाैँ । हामीले भाेलि विदाका समयमा पनि पढाएर हाम्राे दायित्व पूरा गर्छाैं । तर जबसम्म हाम्रा माग पूरा हुँदैनन् । हाम्राे सडक आन्दोलन राेकिने छैन ।”
बुद्धले सुस्केरा हाल्दै भने “विचरा गुरूहरू !”

तेस्राे दिन सिंहदरबार आसपासका क्षेत्रमा उस्तै जुलुससित बुद्धकाे साक्षात्कार भयाे-
जिन्दावाद ! जिन्दावाद !! ”
“मुर्दावाद ! मुर्दावाद !!”
हामीलाई राज्यले हेप्नुसम्म हेप्याे । हामीलाई निजामती कर्मचारी सम्म भन्न सकेन । के हामीले राष्ट्र सेवा गरेका छैनाैँ ? हाेइन भने हामीप्रति सरकार यति अनुदार किन ? हामी यसै चुप लागेर बस्नेवाला छैनाैं ।”

चाैथाे दिन उपभोक्ता अधिकार मञ्चले, पाँचौं दिन उद्योग व्यवसायीले, छैठौं दिन मानवअधिकारवादीले, … यसैगरी हरेक दिन कुनै न कुनै समूहले आन्दोलन गरेकाे देखेका बुद्ध एक दिन संसद भवनमा भइरहेकाे गतिविधि नियाल्न पुगे-

“जबसम्म सरकारले प्रतिपक्षका कुरा सुन्दैन तबसम्म हामीले सदन सुचारू हुन दिँदैनाैं । यदि सरकारकाे यस्तै रबैया रहने हाे भने हामी सडक र सदन दुवै ठाउँबाट आन्दोलनकाे आँधी बेहरी सिर्जना गर्नेछौं । …”

त्यसै दिनकाे बेलुका बुद्धले शयन कक्षमा टेलिभिजनमा समाचार हेर्दै थिए । सरकारका जिम्मेवार माननीय मन्त्रीकाे मन्तव्यले बुद्धलाई आकर्षित गर्याे-
प्रतिपक्षले बाल हठ नछाड्ने हाे भने सरकार आन्दोलनमा जान बाध्य हुनेछ । ताजा जनादेशका लागि सरकार जनतासमक्ष जान तयार छ । कसैसामु घाेडा टेक्नेवाला छैन …।

बुद्ध घाेर आश्चर्यमा परे । याे देशमा सबै आन्दोलन गर्ने मात्रै रहेछन् । यहाँ एकछिन पनि बस्न उपयुक्त नहुने निष्कर्षका साथ उनी शिष्य आनन्दलाई संकेत गरेर स्वर्गलाेकतर्फ पुनः प्रस्थान गरिहाले ।

०००
रेसुङ्गा न पा- २, गुल्मी

Subscribe
Notify of
guest

0 Comments
Oldest
Newest Most Voted
Nepal Telecom ad
चैतकाे बाँदर

चैतकाे बाँदर

रामप्रसाद पन्थी
दशैंसँगै रित्तिएकाे मन

दशैंसँगै रित्तिएकाे मन

रामप्रसाद पन्थी
सातामा विदा सात दिन

सातामा विदा सात दिन

रामप्रसाद पन्थी
ढाेग दियाँ

ढाेग दियाँ

रामप्रसाद पन्थी
झिङ्गे दाउ

झिङ्गे दाउ

रामप्रसाद पन्थी
मोबाइलको ठाँडो

मोबाइलको ठाँडो

रामप्रसाद पन्थी
0
Would love your thoughts, please comment.x
()
x