नेपाली हास्यव्यङ्ग्य अनलाइन पत्रिका

परशुराम पराशर :

नगरपालिकाबाट महिला सशक्तीकरणको कार्यक्रमलाई प्रभावकारी बनाउन प्रत्येक वडाबाट पाँच जनाका दरले महिलाहरूलाई बोलाइयो र पैंतालिस जनाको एउटा महिला जागरण मूल समिति गठन गर्न लगाइयो । उक्त समितिभित्रबाट थप उपसमिति बनाएर आ-आफ्ना वडामा महिला सशक्तीकरणका कार्य गर्न सूचीसहित निर्देशन दिइयो र महिनाको एक पटक नियमित बैठक बस्ने निर्णय गरियो ।

हरेक दोस्रो शुक्रबार तीन बजे नगरपालिकामा उपस्थित भएर अनिवार्य बैठक बस्ने र कार्यको विवरण दिने निर्णय पनि भयो । कार्यका लागि बजेटको व्यवस्थासमेत भएको जानकारी गराइयो ।

पहिलो बैठकमा आधाउधी सदस्यहरूको मात्र उपस्थिति भयो ।

“यसरी काम हुन्न । सबैलाई अनिवार्य उपस्थिति हुन अनुरोध गर्नुपर्छ ।” नगरप्रमुखले सबैलाई निर्देशन दिए ।

त्यसपछिको दोस्रो बैठकमा झन् पच्चिस प्रतिशतभन्दा कमको उपस्थिति भयो । यसै बैठकमा प्रतिव्यक्ति एक हजार बैठकभत्ता नगरपालिकाले दिनेछ भन्ने निर्णय गरियो । त्यसपछिका बैठकमा भने प्रायः कोही सदस्य पनि अनुपस्थित रहेन ।

०००
सावधान (२०८१)