नेपाली हास्यव्यङ्ग्य अनलाइन पत्रिका

ओई कोरना ? के भाको तँलाई ?
यत्रो बर्ष भइसक्यो तँ त, घुमी घुमी आउँछस्
हैन यत्रो घुम्ने खर्च कहाँबाट पाउँछस् ?
सुरहरूबाट पाउँछस् कि असुरहरूबाट पाउँछ्स्
कि लक्ष्मी, पर्वतीहरूबाट पाउँछस् ?
गयो होला भनेको बेला फर्की फर्की आउँछ !
कहिले चाइना कहिले अम्रिका
कहिले जापान त कहिले अफ्रिका
चक्कर लाई लाई आउँछस्
हैन करोना, यत्रो अरबौ रुपैयाँ कहाँबाट पाउँछस् ?

ल भन त
तँलाई भगवानले बनाको हो कि दैत्यले बना हो
भगवानले बना भए त्यत्रो ग्रह उपग्रह छोडेर
त फिस्टोलाई यै ग्रहमा किन खना हो ?
तँ जस्तो जैरे त धेरै आए यो धर्तीमा
कोही मत्थर भए त कोही पत्थर भए
कोही अलप भए त कोही सोत्तर भए
कहिले गाडीमा चडेर आउँछस् त
कहिले रेलमा चडेर आउँछस्
कहिले हिंडेर आउँछस् त
कहिले प्लेनमा चढेर आउँछस्
हैन घुम्ने दाम कहाँबाट पाउँछस्
चोरेर ल्याउँछस् कि लुटेर ल्याउँछ्स् ?

तँलाई देवताले पठा हो कि दैत्य पठा हो
यति शक्तिशाली बनाएर कसले खटा हो ?
नढाँटिकन भन त कोरना
कि मान्छे बनाएर खटा हो ?
जसले खटाए पनि त्यो महाफटाह हो ।

काठमाडौं