नेपाली हास्यव्यङ्ग्य अनलाइन पत्रिका

गुलाव पनि किनेकै हो
गिफ्ट पनि किनेकै हो
तर
न नयाँ प्रेमिका पाई
न भूपू प्रेमिका आई
यो पालिको भ्यालेन्टाइन यस्तै भो
नुन नहालेको तरकारी जस्तै भो ।

फेसबुकमा पनि खोजेकै हो
इन्स्ट्राग्रामकीलाई नि रोजेकै हो
ट्वीइटरमा हेल्लो लेखेकै हो
बाटोमा दुइचारवटीलाई देखेकै हो
भगवानसित पनि भाकल राखेकै हो
चिट् लेखेर एक दुइटीलाई ताकेकै हो
तर
न नयाँ प्रेमिका कोइ पट्टी
न भूपू प्रेमिका कतै भेट्टी
खै कहाँ छिन् होला मेरी भ्यालेन्टिना
यो पालिको भ्यालेन्टाइन यस्तै भो
मुना हराको मदन जस्तै भो ।

०००
घट्टेकुलो, काठमाडौं