साइबर अपराध सम्बन्धी सचेतना सामग्री

आमा !

आमा हुन् पृथिवी चराचर जगत् आमाविना मर्दछन्, आमाको ममता र दृष्टि नभए प्राणी थला पर्दछन् ।

Nepal Telecom ad

प्रह्लाद पोख्रेल

१
आमा जीवनमूल हुन् भुवनकी आधार हुन् सृष्टिकी
आमा लोचन हुन् नवीन रचना सारा नयाँ दृष्टिकी
आमा जीवनकी महौषधि सधैँ हुन् दिव्य सञ्जीवनी
आमाकै ममता पिएर तनमा हुर्कन्छ यो जीवनी

२
विद्यामूर्ति सरस्वती अभयदा आमा सदा प्राणदा
प्रज्ञाचक्षु विवेकविन्दु वरदा आमा स्वयं शारदा
आमा शान्ति, दया, क्षमा र करुणा वात्सल्यकी सागर
आमा उज्ज्वल चेतना हृदयकी उत्प्रेरणा, जाँगर

३
जस्तै रूपवती तथा गुणवती वीराङ्गना नायिका
नारीरत्न अनेक हुन् तर सबै आमाविना छन् फिका
आमासाथ भए हुने परपरै तृष्णा र तिर्खा-क्षुधा
आमा साथ रहे समीप रहने कल्याणकारी सुधा

४
आमा सिर्जनकी मुहान ममता औदार्य सारा गुण
हुन्छन् त्याग, दया, क्षमा, मधुरता मातृत्व आकर्षण
आमा प्राण दिई प्रभा चहकिलो सन्तानमा भर्दछन्
आमाकै भरबाट जीवन-नदी सन्तानले तर्दछन्

५
आमाको तन पाउँदैन कहिल्यै आराम गर्ने क्षण
आमा हर्दम लड्दछिन् अघि बढी यो जिन्दगीको रण
आमा हुन् पृथिवी चराचर जगत् आमाविना मर्दछन्
आमाको ममता र दृष्टि नभए प्राणी थला पर्दछन्

६
आमा हुन् धरणी चिरेर मुटु नै सन्तान जन्माउँछिन्
सास्ती, दुक्ख र पीर, हन्डर खपी सन्तान हुर्काउँछिन्
आमाको ममता भुलेर जति नै सन्तान जाऊन् पर
आमाको मन खुम्चिँदैन कहिल्यै सन्तानदेखिन् तर –

७
आमा ! रूप विरूप पार्न छ ठुलो उद्योग सञ्चालित
चाहन्नन् सपनातिरै पनि कुनै सन्तान तिम्रो हित
छौँ छोरा जिउँदै परन्तु सबको व्यर्थै भयो जीवन
जन्मायौ किन हा ! कुपुत्र यतिका आमा ! नढाँटी भन ।

काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
आमा

आमा

प्रल्हाद पोखरेल
नयाँ वर्ष

नयाँ वर्ष

प्रल्हाद पोखरेल
शहीदकाे सम्झना

शहीदकाे सम्झना

प्रल्हाद पोखरेल
आँखा

आँखा

प्रल्हाद पोखरेल
साहित्य – सञ्जीवनी

साहित्य – सञ्जीवनी

प्रल्हाद पोखरेल
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x