गायत्री परिरोशनीआबुई, ठूला मान्छे !
सत्ता, शक्ति र सम्पत्ति सबै आफ्नै पेवा हो भन्ने भान छ छातीमा हात राखेर गर्वका साथ कानून त हाम्रै हातमा छ भन्नुहुन्छ अँ साच्ची हात उठाउनुहोस् न है को-को ठूला मान्छेमा पर्नुहुन्छ ?
माना खाएर मुरी बोक्ने जस्तो
निकै खाइलाग्दो जीऊ छ ,
नौ महिने भन्दा आधा ठूलो
अठार महिने सानदार भूँडीभित्र
भन्नोस् न के को बिऊ छ ?
सोचेर होइन बोलेर सोच्नुहुन्छ
पिउने कुरामा पानी मात्र होइन हजुर
रातो, कालो, हरियो, निलो र ठर्रा समेत
भेटेजतिको सबै धोक्नुहुन्छ,
अचम्ममकै छ उहाँहरूको पाचन प्रणाली
खाद्य वस्तु मात्र होइन,
निकै बलिया अखाद्य बस्तु
ढुङ्गा गिटी र अन्य सबै
एकाएक सजिलै पचाउनुहुन्छ
अब भन्नोस् न हजुर
ठूला मान्छेले इज्जत कसरी बचाउनुहुन्छ ?
कहिल्यै नगर्ने कुरा भन्नुहुन्छ
भन्नै नमिल्ने कुरा गर्नुहुन्छ,
आधुनिक सभ्य मानव बनिरहँदा
समाजमा उहाँहरूकै सान छ
सत्ता, शक्ति र सम्पत्ति सबै
आफ्नै पेवा हो भन्ने भान छ
छातीमा हात राखेर गर्वका साथ
कानून त हाम्रै हातमा छ भन्नुहुन्छ
अँ साच्ची हात उठाउनुहोस् न है
को-को ठूला मान्छेमा पर्नुहुन्छ ?
स्याङ्जा, हाल काठमाडौं
Subscribe
Login
0 Comments
Oldest
