किशन पाैडेलयहाँ रमिता सधैँ उस्तै छ
स्वाँठहरू तिनै हुन् धूर्तहरू तिनै हुन् कुटिल तिनै हुन् लोभी-पापी, भ्रष्ट भष्मासुर तिनै हुन् फेरिँदैन पात्र चरित्र तिनै हुन् हामी केवल तमासे हौँ यहाँ रमिता सधैँ उस्तै छ !
यहाँ प्रवृत्ति उस्तै छ
संस्कार उस्तै छ
लोभ-लालच
स्वार्थ लिप्सा
झनै बड्दै छ !
न दर्शन छ
न विचार छ
न कुनै आदर्श छ
न कुनै सिद्धान्त छ
न कसैसँग इमान छ
न यहाँ कसैलाई डर छ
न यहाँ कसैको भर छ !
न नीति छ राजनीतिको
न नैतिकता छ नेताको
न सुशासन छ प्रशासनको
न पारदर्शी छ सरकारको
न कसैको दूर दृष्टि छ
न कोही दूरदर्शी छ
लुटतन्त्र चलेकै छ
गुटतन्त्र बनेकै छ
भ्रष्टतन्त्र फैलिएकै छ
जाल, झेल, षड्यन्त्र
दाउपेच, जोड-घटाउ
अस्थिरता सधैँ उस्तै छ !
स्वाँठहरू तिनै हुन्
धूर्तहरू तिनै हुन्
कुटिल तिनै हुन्
लोभी-पापी, भ्रष्ट
भष्मासुर तिनै हुन्
फेरिँदैन पात्र
चरित्र तिनै हुन्
हामी केवल तमासे हौँ
यहाँ रमिता सधैँ उस्तै छ !!
०००
हेटौंडा
Subscribe
Login
0 Comments
Oldest
