नेपाली हास्यव्यङ्ग्य अनलाइन पत्रिका

गाली ख्वाउने चलन पुरानै हो
अहिले पनि गाली ख्वाएकै हो
ताली दिने पनि पुरानै चलन हो
अहिले पनि ताली ख्वाएकै हो ।

केटी भगाउने पनि पुरानै चलन हो
अहिले पनि केटी भगाएकै हो
नन्दीभृङ्गी पनि पहिलेदेखि नै थिए
अहिले पनि भुत मन्छाएकै हो
प्रेत पन्छाएकै हो ।

झुठ पहिलेदेखि नै बोलिएकै हो
त्यहि संस्कार बचाउन
झुठ पनि बोलाएकै हो
मान्छेलाइ पनि पहिले नै तौलिन्थे
अहिले पनि तौलाएकै हो
त्यसैले त भुत मन्छाएकै हो
मान्छे तौलाएकै हो ।

गुह्य रहस्य त सृष्टिले नै छिपाएकै हो
मैले पनि त छिपाएकै हो
झुट पनि फैलाएकै हो
कुरा पनि लुकाएकै हो
सत्य कुरा मैले संस्कृति बचाएकै हो
झुठ छापेर इतिहास त रचाएकै हो
संस्कृति बचाएकै हो ।

०००
काठमाडौं