बिनुबाबा घिमिरेमस्यौदा तयारी
सुदामा छँदैछन् बनैमा बसेका पुकारा सुनाए दुखैमा फसेका गरेको त भान्सा पराया भकारी रूचेको कुराको मस्यौदा तयारी ।
बिनुबाबा घिमिरे :
गराएछ कस्ले मस्यौदा तयारी
घरैकी ति रानी बनैमा सवारी
घरैको कुराले छ चर्चा चलेको
नपुग्ने कुरामा छ दागा धरेको
चलाएछ कस्ले ठुलाको सवारी
गराएछ कस्ले मस्यौदा तयारी
कुरा नै कुराको अनेकौ तमासा
जता जे परोस् है धनीकै घमासा
छँदै रामबाबा कुरैले बिगारी
मिचेको सिमाना मस्यौदा तयारी
सुदामा छँदैछन् बनैमा बसेका
पुकारा सुनाए दुखैमा फसेका
गरेको त भान्सा पराया भकारी
रूचेको कुराको मस्यौदा तयारी
भएको फुटाए खुसी रे जुटेमा
दिलाए कि माफी जवानी लुटेमा
कमाऊ रमाऊ छ चौका तयारी
छ राज्यै खुसीमा मस्यौदा तयारी ।
०००
कलङ्की, काठमाडाैं
Subscribe
Login
0 Comments
Oldest
