नेपाली हास्यव्यङ्ग्य अनलाइन पत्रिका

बिनुबाबा घिमिरे :

भर्जिनियाबाट उडेर भाजँङ्गल तिर लागेपछि
इरानबाट उडेर इलामतिर लागेपछि
अझै मन छटपटिएकै छ
नेपालमा नयाँ वर्ष लागेपछि

आशीर्दवादहरूसँगै विवेकहरू पनि आइरहुन्
आशीर्वादहरूसँगै संयोगहरू पनि आइरहुन्
सु-संयोगहरू, सुकिला मुकिला आँटहरू
छताछुल्ल सुनै सुनले नेपाल हँसाइरहुन्

चन्द्रमालाई थाल मानेर भात खाएको छु मैले
सूर्य हेर्दा र्याल काढेर आकाशिएको छु मैले
बाको पालामा डालोको मकैले नयाँ वर्ष मान्यौँ
डालोभरी कमाए पनि खानै पुग्दैन अहिले

अब नाति नातिनाहरू कसरी बाँच्छन् होला
सम्धी सम्धिनाहरूलाइ दिने टुक्रो सुन छैन
खोइ के खुसीले
सम्धी सम्धीनालाईहसाउँने होला

तैपनि मनभरी भावविभोर हुँदै
दिनैपर्छ शुभकामनाहरू,
बरू परेवा उडाइदिउँ
गुच्चाहरू गुडाइदिउँ
सबैलाई आफ्नै बाल्यकाल सम्झाइदिउँ
डण्डिबियो घ्वाईंकासा खेलाइदिउँ

यस्तै थिए हाम्रा बाल्यकाल
अनि नयाँ वर्षहरू ।

०००
कलङ्की, काठमाडाैं