नेपाली हास्यव्यङ्ग्य अनलाइन पत्रिका

अनिल अदृश्य :

विश्वविद्यालयको राजधानी
भवनको
ठूलो फ्रेमभित्र कैद समय र
दौड प्रतियोगिता

फराकिलो आँगनमा
छरिएका सशुल्क पुस्तकालय र
पाठ्यक्रम

खुल्ला कम्पाउण्ड भित्रका
कङ्क्रिट भबन र
कङ्क्रिट मस्तिस्कका भग्नावशेष
सङ्ग्रहालय

दैनिक चिच्याउन खोज्दा पनि
नसुनिने किताबको चित्कार र
फोटोकपी मेसिन

दबाइको कमिसन पर्खिरहेको
टेबलको स्ट्रे र
काँचो चमेना गृह

मलाइ हेरिरहेको
सुदूर मित्र र
पिठ्युँमा बोकेको कणर्ाली सपना

परै बसेर मुस्कुराइरहेको
डिजिटल थेसिस र
ट्युसन सेन्टरका डिजिटल होडिङ्ग

लुछिएको एक राजधानी सुन्दरता
भड्काइएको देवकोटा ध्यान
खोसिएको पृथ्वीनारायणको उपत्यका मोह

यहाँ
राजधानी चपाइरहेछ
एउटा मान्छे
पिउँदैछ एक आङ्खोरा धमिलो रस
र
लुटिरहेको छ बगमतीको यौवन ।

०००
धनकुटा