नेपाली हास्यव्यङ्ग्य अनलाइन पत्रिका

बिनुबाबा घिमिरे :

यो ट्रेलर मात्र हो
म फिल्म नै देखाउँछु
नआत्तिऊ है जेलर हो
म मुक्त गराउँछु
यो त ट्रेलर मात्र हो
म फिल्म नै देखाउँछु

सुन्दर काण्ड किष्किन्धा काण्ड
हामीभित्रै चलेको छ
रामायण महांभारत
हामीलाई बुझेर गलेको छ
सुन सुन साथी हो
म अझै ठुलो काण्ड लेखाउँछु
यो त ट्रेलर मात्र हो
म त फिल्मै देखाउँछु

देशभक्तलाई केसभक्त
बनाइदिने आँट छ
निकटकै भविश्यमा
देश टुक्रिने छाँट छ
विदेशीलाई नेपालमै
बसोबास मिलाउँछु
भेष बदलिनु परे
कुकुर ड्रेस लगाउँछु
यो त ट्रेलर मात्र हो,
म फिल्म देखाउँछु ।

०००
कलङ्की, काठमाडौं