साइबर अपराध सम्बन्धी सचेतना सामग्री

कान्तिपुरी नगरीको खबर

भ्रष्टाचारका सबै हथकण्डा पचाएर झुसिलो डकार छाड्नेहरूले छि !! मानव तस्करीलाई संस्थागत बनाई छाडेछन् भो भानु ! नसोध कान्तिपुरी नगरीको खबर ।

Nepal Telecom ad

वासु शर्मा :

महाशिवरात्रीका बेला
पशुपति मन्दीर परिसरमा
नाङ्गा जोगीहरू खुलेआम भेटिए झैं
तिमीले वणर्न गरेको
शिवको पुरी कान्तिपुरी नगरीमा
भानु !
अचेल
नयाँ जोगीहरू
निर्वस्त्र भएर
शासनहरूमा
प्रशासनहरूमा
आसनहरूमा
भाषणहरूमा
जताततै
देखा पर्न थालेछन्
झोली भर्न थालेछन्
जगत हसाउँने
ती निर्लज्जहरूलाई देख्दादेख्दै
भानु ! भो नसोध
कान्तिपुरी नगरीको खबर ।

रेबिज लागेको कुकुरले चुहाए झैं
लालचको र्‍याल चुहाउनेहरू
समूहमा मिलिभगत गरेर
वा, एक्लाएक्लै दाउ गरेर
लुछाचुँडी गरिरहेछन्
कान्तिपुरी नगरीको बेहाल
बढ्दो छ दिन दुईगुना रात चौगुना
फोहोर भन्दा पनि दुर्गन्धित मान्छेहरू
समयलाई कसरी दुषित बनाउँदैछन् ?
भानु ! भो नसोध
कान्तिपुरी नगरीको खबर ।

जल बेचेर पुगेन
थल बेचेर पुगेन
स्वाभिमान बन्धक राखेर
आफ्नालाई अपमान गर्दै
पराईको तलुवा चाट्नेहरूबाट
जनहीतको के आशा गर्न सकिएला ?
भ्रष्टाचारका सबै हथकण्डा पचाएर
झुसिलो डकार छाड्नेहरूले
छि !!
मानव तस्करीलाई
संस्थागत बनाई छाडेछन्
भो भानु ! नसोध
कान्तिपुरी नगरीको खबर ।

०००
बेलायत

Subscribe
Notify of
guest

0 Comments
Oldest
Newest Most Voted
Nepal Telecom ad
तीन ठोक्तक

तीन ठोक्तक

वासु शर्मा
ठोक्तक

ठोक्तक

वासु शर्मा
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x