नेपाली हास्यव्यङ्ग्य अनलाइन पत्रिका

एम.पी. कियरलेस :

अहिलेसम्म केही बुझियो भन् त ?
यस्तै हुन्छ ? यहि जिन्दगी हो भन् त ?

ऊ आफ्नै हुँ भन्दै मलाई भेट्न आउँछ
अनि साँचो लाग्दैन झुठो भन् त ?

दिल उतै छुट्यो, दिमाग उतै छुट्यो
के हुन्छ फिर्ता ल्याउन सजिलो भन् त ?

उज्यालोले कस्तो नचिने झैं गर्‍यो
कति आफ्नै बन्न खोज्छ अँध्यारो भन् त ?

जिन्दगीको बारेमा सब थाहा भयो
यसपछि कहाँ कुर्नुपर्छ पालो भन् त ?

मैले यस्सै यो हल्ला फैलाएको हुँ
खास कुरा के हो, साँचो भन् त ?

दन्किनु पथ्र्यो, जल्नु पथ्र्यो सबै दुःख
किन मर्‍यो त भित्रको आगो भन् त ?

जान्छु पनि भनिनँ, गएँ पनि भनिनँ
कसरी झरेको थिएँ ओरालो भन् त ?

यो मुस्कान, यो लाज, यो हतार
कतिपल्ट हेरिस् उसको फोटो भन् त ?

नजर उसको पाउमा, शिर उसैको पाउमा
त्यो बेला तँ भित्र दुख्ने को हो भन् त ?

०००
लम्कीचुहा, कैलाली