नेपाली हास्यव्यङ्ग्य अनलाइन पत्रिका

तीर्थराज अधिकारी :

हालसालैको कुरा हो । चुरे पहाडको दक्षिण फेदीमा एउटा बँदेल जोडले भाग्दै रहेछ । निकै थकित भएर एक छिन सुस्ताउनमात्र नपाउँदै एउटा छिप्पिएको मुसोले सोधेछ ।
किन यसरी दौडिनु भएको भाइ ? के जङ्गलमा दौड प्रतिस्पर्धा छ र ?
होइन के को प्रतिस्पर्धा हुनु, समात्न आएका छन् सरकारी फौज ।

कसलाई समात्ने रहेछन्, हामी सबैलाई ?
हात्ती समाउने टोली हुन् ।

अनि तपाईं किन भाग्नु पर्‍या हो त ?
म हात्ती होइन, बँदेल हुँ, भनेर प्रमाणित गर्न १५ वर्ष लाग्छ,
अनि त्यतिञ्जेल बन्दीखानामै सड्ने  ?

यो सुनेर मुसो पनि बँदेलसँगै भागेछ ।

०००
पोखरा- १०, हाल- संयुक्त राज्य अमेरिका