रामप्रसाद पन्थीशुभ दीपावली
फेरिएछ आजभोलि दुनियाँकाे रङ्ग हेर्दाहेर्दै म त गाँठे पर्न थालें दङ्ग । संस्कृतिकाे बुइ चढी विकृति पाे आयाे गाउँ घर सहरमा जतासुकै छायाे । गति छाडा गीत भए नाच बुरूक् बुरूक् सामाजिक सञ्जालमा भयाे जुरूक् जुरूक् ।
रामप्रसाद पन्थी :
पहिलेकाे जस्ताे छैन किन आजभाेलि
बिरसिलाे हुन थाल्याे चाड दीपावली ।
बज्न छाेडे मादलुका घिन्ताङ् घिन्ताङ् आज
तिहारका बेला भए उराठिला साँझ ।
द्याैसी भैली खेल्ने युवा गए खाडीतिर
चाडपर्व आउँदा नि लाग्न थाल्याे पिर ।
साेरठीकाे स्वर मिठाे सुनिरहूँ लाग्थ्याे
मारूनीकाे नाँच हेर्न सारा गाउँ जाग्थ्याे ।
मखमली सयपत्री गाेदाबरी फूल
लाई हिड्थे तिहारमा मानिसका हुल ।
काठे काेल घुमाएर बनाउँथे तेल
पकाउँथे चुला चुला अनरसा सेल
चिउरीको टपरीमा राेटी अचारकाे
भाग लाग्थ्यो अलिकति घाँजी ओखरकाे ।
केटाकेटी उडाउँथे डाँडामाथि चङ्गा
काेही खेल्थे चचहुइ पिङ मज्जासँग
साँझपख बत्ती बाल्थे खाेजी खाेजी पाला
सबैभन्दा रमाउँथे साना लालाबाला ।
फेरिएछ आजभोलि दुनियाँकाे रङ्ग
हेर्दाहेर्दै म त गाँठे पर्न थालें दङ्ग ।
संस्कृतिकाे बुइ चढी विकृति पाे आयाे
गाउँ घर सहरमा जतासुकै छायाे ।
गति छाडा गीत भए नाच बुरूक् बुरूक्
सामाजिक सञ्जालमा भयाे जुरूक् जुरूक् ।
पटटट पटकाकाे स्वर भयाे अति
जथाभावी गर्दा जीउ धन गयाे कति ?
तिहारकाे नाउँ पारी जुवातास खेल्दा
पाण्डवकाे गति हाेला दुःख कष्ट झेल्दा ।
अब पालाे आशिककाे प्यारा सबै जन
च्वाँस्स चुस्स भए कतै नदुःखाए मन ।
राेग भए हटी जाओस् मन सफा रहाेस्
दुई छाक खानलाई कैले कमी नहाेस् ।
परदेशी युवाहरू घरबेशी आऊन्
बाँझा बारी खेत खनी मिठाे चाखाे खाऊन् ।
देशैभर जनतामा सुख शान्ति रहाेस्
समृद्धिकाे सिंढी चढ्न अब ढिला नहाेस् ।
भाइटीका तिहारमा बाेलें यति बाेली
दिदी बैनी दाजु भाइ शुभ दीपावली ।
०००
२०८१ कार्तिक १८ भाइटीका
रेसुङ्गा न पा २ गुल्मी
अत्यन्तै राम्रो र सान्दर्भिक ।
लेखेकै दिन छापीएछ गजब भएछ त।