करूण सुवेदीसिङ आउँदैन जुराे आउँदैन
अपराधी छुटाउन राजनीति गर्नुपर्छ निर्दाेषलाई दाेषी बनाउन पाइन्छ दाेषीलाई निर्दाेष भन्न पाइँदैन यत्तिहुँदा पनि जनताले किन पत्ताे पाउँदैन ? अब यसपछि त सिङ्ग आउँदैन जुराे आउँदैन ।
करूण सुवेदी :
मकैबाट मकैनै आउँछ धान आउँदैन
गाईले गाईनै पाउँछ पाडाे पाउँदैन ।
गाेबरकाे थुप्रामा भाेट हाले गाेबरै आउँछ ।
विकास आउँदैन ।
थाहा हुँदाहुँदै जनताले किन पत्ताे पाउँदैन ।
अब यसपछि त सिङ्ग आउँदैन जुराे आउँदैन ।।
कालाे मन ढाक्न कालै काेट लाएर ।
इज्जतदार छातिमा खाेट लाएर ।
पचाउनै नसक्ने शपथ खाएर
मालिकले विदेशबाट मुर्रा ल्याउछन् ।
33 किलाे सुन फुर्र उडाउँछन् ।
विदेशबाट मुर्रा आउँछन् विद्यार्थी आउँदैन ।
यत्तिहुँदा पनि जनताले किन पत्ताे पाउँदैन
अब यसपछि त सिङ्ग आउँदैन जुराे आउँदैन।
अचम्म लाग्छ !
उसले नदी बेचेर तिर्खा मेटाउँछु भन्छ
युवा हटाएर बेरोजगारी सकाउँछु भन्छ।
अचम्म लाग्छ,
जब देश बेचेर समृद्धि ल्याउँछु भन्छ ।
जसको आफ्नै जिउने मर्ने ठेगान छैन।
उसैकाे भर पर्नुपर्छ ।
अपराधी छुटाउन राजनीति गर्नुपर्छ
निर्दाेषलाई दाेषी बनाउन पाइन्छ
दाेषीलाई निर्दाेष भन्न पाइँदैन
यत्तिहुँदा पनि जनताले किन पत्ताे पाउँदैन ?
अब यसपछि त सिङ्ग आउँदैन जुराे आउँदैन ।
०००
बर्दिया, हाल थानकाेट, काठमाडाैं
Subscribe
Login
0 Comments
Oldest
