रामप्रसाद पन्थीअसारकाे पन्ध्र
असारको पन्ध्र गते धान दिवस् मानाैँ पाँचतारे तिर गई डबकाले हानाैँ । राेप्नु पर्ला एकसरो धान उतै पनि फाेटाे खिच्ने पत्रकार पनि साथै छ नि ?
रामप्रसाद पन्थी :
असारकाे पन्ध्र आयाे हाेटलमा जाओैं
गमलामा धान राेपी ठर्रा पार्टी खाओैं ।
भात खाने भातेहरू खेततिर जाऊ
सहर भाे हाम्राे जिम्मा तिम्राे भयाे गाउँ
दिन आए आधुनिक खेत हामी जान्नाैं
सुन खाने वर्ग हामी भात खाँदै खान्नाैं ।
हलाे बाेक्ने हलीहरू बाेकी रहून् हलाे
राष्ट्रवादी हामी खान्छाैं विदेशीकाे कलाे ।
डेरी दिन्छ दही मिठाे दुःख किन गर्ने
हामी हैनाैं च्यूरा खाई भाेकाे भुँडी भर्ने ।
धान राख्ने धनसार राखेका छाैं धन
भकारीमा भन्सारका माल टनाटन ।
छाक जाबाे टरिहाल्छ भासनैले हाम्राे
सात पुस्ता चल्छ याैटै शासनले राम्राे।
सत्ता शक्ति पद पैसा भएपछि जम्मै
विराेधीका बाेल्ने मुख टाली दिन्छौं टम्मै ।
हामीसित गर्याै भने तिमी उठाबसी
दही च्यूरा मात्रै किन ? खान्छाै सिङ्गै खसी ।
झर्काे फर्काे बाेली चर्काे थाल्याै भने गर्न
हाेस गर जेलतिरै पर्ला सडी मर्न ।
धन खेती गर्ने हामी धान किन राेप्ने
कृषि मन्त्री किन खाने गृह नै हाे ठाेक्ने ।
गृहलक्ष्मी पनि खुसी गृह पाए पछि
भेटी हाल्छाै भिजिटकाे भिसा लाए पछि ।
असारको बेलै यस्ताे धन राेप्ने बेला
मसान्तले च्यापी सक्याे कसाे गर्ने हाेला ?
डाेजरले कुना कुनी ताछी हाल साथी
हिलाम्मे छ धान राेप सडककै माथि ।
असारको पन्ध्र गते धान दिवस् मानाैँ
पाँचतारे तिर गई डबकाले हानाैँ ।
राेप्नु पर्ला एकसरो धान उतै पनि
फाेटाे खिच्ने पत्रकार पनि साथै छ नि ?
धान राेप्दा लगाउने सुट टाई देऊ
एकजाेडी पञ्जा पनि राखे एक छेऊ ।
यत्ति गरे नहाेला र कसाे मेरा साथी
मान्छे म त खराे परेँ गर्छु कुरा खाँटी ।
०००
रेसुङ्गा न पा २ गुल्मी
२०८२ असार पन्ध्र, प्रात : काल
असार १५ जोसिएर हिलो खेल्न जाउँ। माननीयले महिलाका कुठाउँमा समाउँ।