नेपाली हास्यव्यङ्ग्य अनलाइन पत्रिका

सुभाषचन्द्र पौडेल भीमफेदीया :

सूर्यलाई पनि तातोले कति धेरै पगाल्दो हो
हिमाललाई पनि त हिउँको ठण्डी लाग्दो हो
उभिंदा उभिंदा पहाड पनि त थाक्छन् होला
नदीलाई पनि कहिलेकाहीँ प्यास लाग्दो हो।

हावालाई पनि त बेलाबखत गर्मी लाग्दो हो
बादललाई पनि कहिलेकाहीँ ठेस लाग्दो हो
गड्याङगुडुङ गर्दै बिजुली चम्किन थालेपछि
चट्याङलाई पनि सातो जानेगरी डर लाग्दो हो।।

०००
२९ कात्तिक २०८२
धुम्बाराही, काठमाडौं ।