सुभाषचन्द्र पाैडेल ‘भीमफेदीया’ऐना र छाया
ऐना जसले जस्ताको तस्तै देखाइदिन्छ छाया पनि त्यस्तै रहेछ जो शरीरसँगसँगै हिड्ने गर्छ भलै अँध्यारोमा छाया नदेखिएला तर उसले साथ छाड्दैन जसरी ऐनाले पनि सत्य लुकाउँदैन।
सुभाषचन्द्र पौडेल भीमफेदीया :
ऐनामा चित्र देखिए जस्तै
चरित्र पनि देखिने भए
धेरैको घरमा
ऐना हुँदैनथ्यो होला
ऐना हेर्नेले पनि
डराइ डराइ हेर्थे होलान्
अरूले झुठ बोले पनि
ऐना र छायाले
झुठ बोल्दैन भन्छन्
ऐना जसले
जस्ताको तस्तै देखाइदिन्छ
छाया पनि त्यस्तै रहेछ
जो शरीरसँगसँगै हिड्ने गर्छ
भलै अँध्यारोमा छाया नदेखिएला
तर उसले साथ छाड्दैन
जसरी ऐनाले पनि सत्य लुकाउँदैन।
०००
Subscribe
Login
0 Comments
Oldest
