नेपाली हास्यव्यङ्ग्य अनलाइन पत्रिका

हेमराज पन्त :

सब जीव डराउँछु बाघ बनी ।
धन भाषण हो अब बस्छु गनी ।।
जलमा घर बन्छ यहाँ म जिते ।
घरका,वनका सब जन्तु चिते ।।
१

खर खान्न सखे म त खान्छु।
तन,रक्त चुसी तब बन्छ लिटो ।।
न चरा वनमा न छ जीव कुनै ।
सुकिला मुकिला नव दास उनै ।।
२

बलले तगडा म बसे वनमा ।
म त बाघ बनेर लुके मनमा ।।
न सहोचर साथ बसे बलले ।
म त शासक बन्छु सधैं छलले ।।
३

पशु राजन् बाघ बनेन भने ।
मरजाद छ देश चिरेर खने ।।
न चुनाव जितेर बसे वनमा ।
न त लोभ थियो धनको मनमा।।
४

म हिंडे पथमा कति जीव मरे ।
कति नाम सुनेर थरर्र डरे ।।
जब बाँदर बन्छ कथा सबको ।
तब भर्छ कला कविले नभको ।।
५

कवि बाघ बने कवि नै कविता ।
तब मानव देख्छ कयौं रमिता ।।
वन राज्य जितेर हुँडार बसे ।
किन घायल बाघ थुनेर कसे ।।
६

०००
पाटन- २, सिलङ्गा, बैतडी