नेपाली हास्यव्यङ्ग्य अनलाइन पत्रिका

हेमराज पन्त :

किन मस्त सदैव म देख्छु उनी ।
तन सुन्दर पो मनले छ खुनी ।।
छ चलाख निकै झन मिष्ट कुरा ।
मुख बन्द सधैं करमा छ चुरा ।।
१

किन दास बनेर चिनेन जुता ।
भिडभाड निकै किन देख्छु उता ।।
नव भाषणले किन मख्ख भुरा ।
दल चिन्ह थमाउन भन्छु चुरा ।।
२

दलका दल आँत दलाल पसे ।
सब देश लुटी जन भाव डसे ।।
बबुरो म सधैं किन गर्छु कुरो ।
ठग खोंच बने म बने चुचुरो ।।
३

पद चाप बुझे धनको मनको ।
किन बन्छ कहाँ कविता मनको ।।
बस शासनमा पदका धतुरे ।
किन गर्छ मजाक यहाँ चतुरे ।।
४

म त मानव पो दल बन्छ जुता ।
अझ पोख्छु यहाँ मनका कटुता ।।
छ दलाल सबै न युवा न बुढा ।
नव चेतनले अब दुष्ट उडा ।।
५

घुस दान यहाँ घुस देव बने ।
कविका कविता झन भ्रष्ट बने ।।
मतदान म गर्दिन भन्छ मने ।
मनचोेर,दलाल महान बने ।।

०००
पाटन २ सिलङ्गा, बैतडी