नेपाली हास्यव्यङ्ग्य अनलाइन पत्रिका

एक दिन
एउटी तरुनीले
नाभिकाको
नक्सा देखाउँदै भनिन्
मेरो नाभीस्थल
बिक्रीमा राखेको
घर घडेरी जस्तो छ
किन्ने भए किनी हाल्नुस् है
आजभोलि मन्दीले
काठमाडौंको भन्दा सस्तो छ ।

यहाँ पनि
माथि अन्नपूर्ण, कञ्चनजंघाको
रमणीय सिन साइड छ
तल पनि फेवातालको
कमनीय लेक साइड छ
मन पर्छ भने
बागमतीको पनि, नदी साइड छ ।

यहाँ पनि
जग्गा धनी भन्दा
दलालहरूको बिगबिग छ
जाबो एक टुक्रा बेच्नलाई पनि
उनीहरूकै ठुलो लिगलिग छ
त्यसैले जग्गा किन्ने भए
सिधै सम्पर्क गर्नु होला
दलालको फेला परेपछि
झन महंगोमा पर्नु होला
कृपया दलालज्यूहरू
तपाईंहरूले कुनै कष्ट नगर्नु होला ।

जग्गा किन्न आउँदा
थैलीको व्यवस्था
आफैं गर्नु होला
नत्र थैली नराखी, जग्गा किनेपछि
अनेक झन्झटमा पर्नु होला ।

त्यसैले घडेरी हान्ने भए
दरै गाँठ र आँटमा आउनु होला
मन र तन कमजोर भए
दुई चार प्याक यसो
ह्वीस्की बियर लाउनु होला
तर आउँदा
सिधै सम्पर्क गर्नु होला
नत्र दलालको फेला परेपछि
झन चर्को भाउमा पर्नृु होला ।

दाङ, हाल काठमाडौं