नेपाली हास्यव्यङ्ग्य अनलाइन पत्रिका

१.
कोही विरही छन् यहाँ कोही निर्मोही पनि छन्
कोही विकल, व्यथित छन् कोही विद्रोही पनि छन्
सागर हो यो महानगर सावधान यहाँ त ए साथी ?
मान्छेलाई चपाई खाने निर्दयी गोही पनि छन् ।

२.
जता दृष्टि दियो त्यतै समस्याका पोका छन्
निकास हुने ठाउँमा ताला लगाएका धोका छन्
जतिसुकै डकारे नि अघाएको छैन जस्ता
हाकिम साहेबहरू घुस र कमिसनका भोका छन् ।

३.
पर्यावरण जोगाऊँ भन्दै रुखहरू ढाल्नुहुन्छ
सुरक्षाका लागि भन्दै गुन्डाहरू पाल्नुहुन्छ
बलिरहेको छ आगो निभाउनु पर्ने तर
महाशय, किन अझै मट्टितेल हाल्नुहुन्छ ?