नेपाली हास्यव्यङ्ग्य अनलाइन पत्रिका

कहिले पत्थर हिराजस्तै लाग्छन्
कहिले हिरा पत्थरजस्तै लाग्छन्
रातमा देख्ने उल्लुचरा जस्तै
उज्यालोमा उज्यालो नदेखेजस्तै !

यहाँ दिनको घामलाई
बादलहरूले बेचैन गराउछ
जसरी साँझहरूजस्तै
खोलाको बगरले सुकेको पानीलाई
अध्यारो छायाँले निभेको टुकीलाई
तर भ्रमको पर्दा उघार्दै
उज्यालो उज्यालो भएर आउदोरहेछ
सखारैको घामजस्तै
यता बिचरा !
हिराजस्तै महँगो हाम्रो सभ्यताले
हिराको मापन गर्न जान्दैन
र यहिनेर अध्यारोले
अँध्यारोमा
अँध्यारोलाई
खरिदबिक्री गर्छ
र
मृत्युको मूल्य तोक्छ !