नेपाली हास्यव्यङ्ग्य अनलाइन पत्रिका

अङ्ग्रेजी राम्रो आउँदैन
किन भने नेपालमा पढेको
नेपाली राम्रो आउँदैन
किन भने अङ्ग्रेजी स्कुलमा पढेको ।

न नेपालमा काम गर्न सक्ने भयो
न अम्रिकामा काम गर्न सक्ने भयो
प्रमाणपत्र स्नातकोत्तर छ
जीवनको प्रश्न निरुत्तर छ ।

साँची, यो वर्ष मलेसियाबाट
घरेलु कामदारको कोटा कति आउने भयो ?
कि कुनै पार्टीले फेरि अर्को नयाँ नेपाल बनाउने भयो ?
अमेरिकाले डी भी खोल्ने भयो
कि ब्रिटिस आर्मीले भर्ना लिने भयो ?
कि भारतले दरवान दिने भयो ?

कतै केही नहुने नै भयो भने
ल आउनुहोस्, नेपालमा नयाँ क्रान्ति गर्ने बेला भयो ।

बत्तिसपुतली, काठमाडौं