नेपाली हास्यव्यङ्ग्य अनलाइन पत्रिका

खप्परध्वजको बिर्सनैबानीले श्रीमतीलाई हैरान बनाएको थियो । यहाँसम्म कि बेडरुममा श्रीमतीसँग एकदिन भन्यो – मैले आजसम्म परस्त्रीसँग यसरी बसेकै छैन, जान्छु ल ।

हैरान भएपछि श्रीमतीले लगिन् खप्परध्वजलाई एउटा स्मरण शक्ति बढाउनै क्लिनिकमा । लामो उपचारपछि डाक्टरले भनेः जानोस् अब ठिक हृन्छ ।

घर फर्किएपछि मैले सोधेँः यार खप्पर, कस्तो रह्यो त तेरो स्मरण शक्ति बढाउन अस्पतालको उपचार ।
खप्पर– एकदम राम्रो, नयाँ मनौवैज्ञानिक विधि, श्रब्यदृश्य सबेै प्रविधिबाट उपचार गर्यो । अस्पताल पनि राम्रो, डाक्टरहरू पनि सहयोगी । एकहप्ता बसेँ, अहिले त त्यो क्लिनिक त आफ्नै घरजस्तो लाग्छ ।
म– म पनि एक पटक जानु पर्यो, क्लिनिकको नाम के रे ।
(खप्पर ट्वाल्ल पर्छ)
खप्पर– त्यो के भन्छ नि, के रे त्यो त्यो, आकाशमा हुन्छ नि राती आउने के रे ?
म– चन्द्रमा ?
खप्पर– अँ अँ, त्यही ।
(श्रीमतीतिर फर्किएर, चन्द्रमातिर सङ्केत गर्दैै) साँच्ची त्यसकौ नाम के रे बुढी ?
(हैरान । फेरि तुरुन्त डाक्टरलाई फोन लगाउँछे)
श्रीमती– हैन, के हो डाक्टरसा’ब, मेरो श्रीमानको बिसर्ने बानी त झन झन बढ्यो नि । उपचार नै राम्रो गर्नुभएनछ ??
डाक्टर– (आकाशतिर हेरेर केही सम्झँदै) उपचार,… को हो त्यो उपचार भनेको ?