नेपाली हास्यव्यङ्ग्य अनलाइन पत्रिका

देशमा यस्तो बेहाल छ,
हैन सरकार, तिम्रो के चाल छ ?
दश प्रतिशत तलब बढ्छ शतप्रतिशत भाउ
यही मौका हो, कमाऊ सरकार कमाऊ ।
यता गयो मिटिङ भन्यो उता गयो मिटिङ
मिटिङभन्दा ठूलो रैछ जलपानको इटिङ ।
गाई मारेर गधा पोस्ने यो राजनीति,
त्यसै लाग्या हो र देशमा दशा साँढेसाती ?

महंगी बढेको बढ्यै छ,
भाउ उकालो चढेको चढ्यै छ ।
इकोनोमिक्स म्यानेजमेन्ट पढेको पढ्यै छ ।
गरिबहरू तलतिर लडेको लड्यै छ ।
अनि कसरी बाँच्नु गरिबले,
भो अब कसैले नबनाऊ चर्पी,
किनकी महंगी बढेको बढ्यै छ ।

आँखा छोपी ल्याको कालले महंगीमा फसाको
जाऔँ ज्योतिषकोमा हात देखाउन साँढेसाती दशाको
आयो निम्तो एउटा लगन बिहेको,
बिहेको निम्तोमा उसलाई नि कार्ड दिएको ।
सित्तैमा खान पाएको जाँदैन,
सासूदेखि सालीसम्म कसले लाँदैन ?

यो खायो, त्यो पियो, सारा घिच्यो मार्दै साउती साउती,
भोलिपल्टदेखि विचरालाई लाग्यो छेराउटी ।
दुईदुई मिनेटमा कट्टु तान्दै पुग्थ्यो टट्टीमा ।
इँजार तान्दा फुस्किन्थ्यो आची कटटुमा ।
साँढेसाती दशा लाग्न कसले खुवाको ?
हैजा भएछ झण्डैले कालले कुदाको ।
भित्रभित्रै नलुट्नुस जप्दै राम राम
दशा लागेर यात्रा होला तपार्इँको परमधाम ।

चारघरे, नुवाकोट