ललिता ‘दोषी’भालेपुरका चल्ला
भालेपुरका चल्ला
गर्छन् धेरै हल्ला
भित्र केही गुदी हुन्न
उठाउँछन् डल्ला ।
उचाल्ने र पछार्नेको
धेरै हुन्छ लाम
सोझासाझा स्रष्टामाथि
लाग्दैन है घाम ।
पैmलीपैmली धूवाँजस्तै
बोक्रा पुग्छन् माथि
सच्चा स्रष्टा रोइरोइ
कुना पस्छन् साथी ।
विज्ञापनले उठेका छन्
सिर्जनाले होइन
सच्चा स्रष्टा कहाँ छन्
खोजी गर्नु छैन ।
घाम लाग्छ सतहीकै
आँगनमा झलमल्ल
सच्चा स्रष्टा परेका छन्
सधैँ नै अलमल्ल ।
जसले गर्यो चर्चा धेरै
त्यही हुन्छ ठूलो
गरिबको सिर्जना त्यो
भइदिन्छ लुलो ।
नेताजस्तै स्रष्टा पनि
हुन्छन् हेर घाती
तराजुमा जोख्दाखेरि
हुन्नन् तलमाथि ।
बुद्धनगर, काठमाडौं
Subscribe
Login
0 Comments
Oldest
