नेपाली हास्यव्यङ्ग्य अनलाइन पत्रिका

यतातिर टाल्न खोज्यो उता भ्वाङ पर्छ,
खै,यो नाथे जिन्दगीले के के गर्छ गर्छ ।

छोरो साह्रै बुद्धिमान छ ठ्याक्कै बाउ जस्तो,
पिधबाट दुलो पार्छ माथिबाट भर्छ ।

चिन्नै गाह्रो श्रीमतीलाई मेरै पहिरन ला\’छ !
पलाउछ कि दाह्री पनि अब एउटै डर छ ।

अहिल्यै देखि झुटो बोल्न खप्पिस छे छोरी,
के नजानोस ! छिमेकैमा सभासदको घर छ ।

क्या बलियो बालुवाको पुल बाध्यो त्यसले !
तर्छ अब निर्धक्कले त्यसले \’सागर\’ तर्छ ।।