साधुराम कोमलनाथ रिमालसाग खोज्नेहरू
धेरै देखें नेपालमा, भाग खोज्नेहरू
बाँझो राखी करेसो, साग खोज्नेहरू ।
धुरीमा आगो लगाई पिंडालु पोल्छु भनि
आफ्नै घर जलाउन, चिराग खोज्नेहरू ।
बाघ खोज्ने धेरै छन, छाला बेच्न भनि
भेटिंदैनन् कोमल मनका, बाग खोज्नेहरू ।
लुटेरा र तस्करको हुकुमत चल्छ यहाँ
सकृय छन् गैंडा मारि, खाग खोज्नेहरू ।
जस्को शक्ति उस्कै भक्ति, म सोच्न वाध्य हुन्छु
छैनन् कि त कोही पनि, दिमाग खोज्नेहरू ।
धेरै देखें नेपालमा, भाग खोज्नेहरू
बाँझो राखी करेसो, साग खोज्नेहरू ।
नाङ्लेभारे– ५, काठमाडौं
हाल : युएइ, दुबई
Subscribe
Login
0 Comments
Oldest
