नेपाली हास्यव्यङ्ग्य अनलाइन पत्रिका

आयो आयो,
अर्काे एउटा दास आयो
सबैलाई मुक्ति दिलाउने
नयाँ नारा खास ल्यायो ।

विश्वद्यियालय पास छ
नेताको दास छ
दाशहरूमा ऊ अरुभन्दा खास छ
आफू बन्ने हिम्मत छैन
नेताले बनाइ दिन्छन् भन्ने आस छ
सबैलाई मुक्ति दिने नारा उसको खास छ ।

चटकीले बाँदर नचाए झैँ
उसको नेताले डमरु बजायो
हाम्रो मुक्ति दाता दासले नाच अलि खास देखायो
टाउको टेक्यो, हात नचायो
हेर हेर मुख आकृति गजब बनायो
हात थाप्यो, झोला थाप्यो,
बाँदरले खुब कमायो
मालिकले त्यसदिन विशेष खुवायो
दास रमायो, दास रमायो
सबैलाई मुक्ति दिलाउने नारा उसले खास लगायो ।

आयो आयो,
अर्को एउटा एक दास आयो
सबैलाई मुक्ति दिलाउने
नयाँ नारा खास लगायो ।
काठमाडौं