नेपाली हास्यव्यङ्ग्य अनलाइन पत्रिका

तपाईं हाइ वेमा
देख्नु त भएकै होला
कतै भेना होटेल
कतै साली होटेल
कतै काले होटेल
कतै रातो भाले होटेल
तर देख्नु भाछ
बानेश्वरको साले होटेल ?
यहाँ
सेकुवादेखि छोइलासम्म
भुटनदेखि अइलासम्म पाइन्छ
सुँगुरको साँप्रोदेखि
हरियो पाप्रोसम्म पाइन्छ
स्वादको कुरा छाड्नुस्
अर्डर पुराउनै नसकिने माग छ
यहाँको विशषता
जसले खान्छ
उसलाई त नसा नै लाग्छ ।

यहाँ एक पटक खाएपछि
न कोही कतै जान्छ
न कोही अन्त खान्छ
यसले त ग्राहकलाई
चुम्बकले झैं तान्छ
यहाँका आइटम
स्वदेशदेखि विदेशसम्मको छ
मन पर्नेलाई
वेगन, बर्गर किचेनमा टम्म छ
यहाँ
चाइनिजदेखि अमेरिकासम्मको पाउँछ
हरेक आइटमले
ग्राहकलाई मोहनी लाउँछ ।

लुच्चा लफङ्गा आउछन्
ती खाइ झन बौलाउछन्
सज्जनहरू आउँछन्
खाएपछि
एक छिन त टोलाउँछन्
तर ती पनि पछि त
बिस्तारै बौलाउछन ।

यहाँको हरेक आइटम
मसलादार छ वासनादार
रसादार छ नसादार छ
खसादार छ फसादार छ
खाएपछि
कोही गधा बन्छन्
कोही बन्छन् ढोई
कोही फ्याउरो बन्छन्
कोही बन्छन् गोही ।

यहाँ खाएपछि
तिनीहरू
धर्म बिर्सन्छन्
कर्म बिर्सन्छन
जनताको मर्म बिर्सन्छन
त्यसैले
कोही टोलाउछन
कोही मौलाउछन
कोही त ठ्याक्कै बौलाउछन ।

एउटै उद्धेश्य अाए पनि
यहाँ खाएर
बिचार फरक छन
मत फरक छन
कोही न आए भने पनि
छ सय एक
यसका नियमित ग्राहक छन् ।
दाङ, हाल– काठमाडौं