जीवनपानीर पिठो बिकाउँछन्
खहरे आउँछन्, धमिलो बिकाउँछन्
तेल पोखाउँछन्, र दियो बिकाउँछन् ।
आफू जजस्ता छन्, उस्तै छन् ब्यवहार
गुलियो ख्वाउँछन्, र तितो बिकाउँछन् ।
बासी कुरा गर्छन्, डकार्छन् हिजोलाई
साजी देखाउँछन्, र सिनो बिकाउँछन् ।
जे जे भेट्टाउँछन्, मुच्छन् एकै ठाउँमा
गिलो बनाउँछन्, र हिलो बिकाउँछन् ।
बोल्छन् बाबा बोल्छन्, बोल्छन् हुने नहुने
हल्ला पिटाउँछन्, र पिठो बिकाउँछन् ।
काठमाडौं
Subscribe
Login
0 Comments
Oldest
