नेपाली हास्यव्यङ्ग्य अनलाइन पत्रिका

महिला हिंसा अपराध हो, गर्नै हुँदैन
पुरुष हिंसा अधिकार हो, छोडनै हुँदैन
रक्सी खाई घरमा आइ पिट्नै हुँदैन
तिन तिन काम एकै चोटी गर्नै हुँदैन ।

रक्सी खाई घरमा कि त आउनै हुँदैन
आए पनि महिलालाई पिट्नै हुँदैन
पिट्ने दिन बरु रक्सी खानै हुँदैन
कि खाऊ रक्सि कि चैं पिट दुईटै हुँदैन ।

महिला हिंसा अपराध हो, गर्नै हुँदैन
पुरुस हिंसा अधिकार हो, छोड्नै हुँदैन
महिलामाथि हिंसा प्राय घरेलुनै हुन्छ
जान्दा जान्दै किन महिला घरेलुनै हुन्छ ?

अपराध हो घरेलु हिम्सा गर्नै हुँदैन
बनेलु हिंसा गरे कसैलाई पत्तै हुँदैन ।
रुनु नारी अधिकार हो हाँस्नै हुँदैन
पुरुषले त हाँस्नै पर्छ रुनै हुँदैन
महिलाको आयोग छ पुरुषको छैन,
नपिटे त रिस पोख्ने ठाउँ कतै छैन
पुरुषसँग बराबरी गर्छौं भनेर
पुरुष सँगै ‘आधा आकाश’ लिने मागेर ।

मागेर कोही धनी हुन्न कसले भनि देला ?
सिङ्गैै धर्र्ति बाँकी आकाश पुरुषैले लेला !
आधा आकास माहिलाको हेप्नै हुँदैन
सिङ्गैै धर्ति पुरुषको हो भन्नै हुँदैन
महिला हिंसा अपराध हो, गर्नै हुँदैन
पुरुष हिंसा अधिकार हो, छोडनै हुँदैन ।
काठमाडौं