नेपाली हास्यव्यङ्ग्य अनलाइन पत्रिका

सँधै समय एकनास हुँदैन
साथी तिम्रो साथमा हुँदैन
चाहे तिमी जेसुकै गर तिम्रो
चाहना भन्दा ठूलो मन हुँदैन
कस्तो समय आयो हजुर
काठमाडौमा नि माया र मौसमको भर हुँदैन ।

डेरीको दूध ततायो तर हुँदैन
धारो खोल्यो पानी हुँदैन
बत्ति त मोबाईल चार्ज गर्नलाई हो
स्वीच थिच्यो लाईन हुँदैन
कस्तो समय आयो हजुर
काठमाडौमा माया र मौसमको भर हुँदैन ।

स्कुल कलेजमा गयो पढाई हुँदैन
शुल्क नतिरी धरै हुँदैन
काठमाडौमै ओइरिन्छन् सबै
गाउँमा कसैको बासै हुँदैन
समय कस्तो आयो हजुर
काठमाडौमा माया र मौसमको भर हुँदैन ।

सामानको मूल्य निश्चित हुँदैन
सरकारलाई कुनै चासो हुँदैन
बलेको आगैमा घिउ थप्छन् सबले
निभेको आगो फुक्ने समय हुँदैन
कस्तो समय आयो हजुर
काठमाडौमा माया र मौसमको भर हुँदैन ।
काठमाडौं