दुर्गाप्रसाद ग्वालटारेसकिएन
सर्प रैछन् तिनी, उनका खुट्टा गन्न सकिएन
देखादेखी कत्ला उनका बुट्टा भन्न सकिएन ।
फुलको गुच्छा थियो हेर्दा, छुरा रैछ चोरसँग
चोरलाई तह लाउने डाँका बन्न सकिएन ।
दुर्गुणीलाई मार्छु गुणले भन्ने फोस्रो कोसिस भयो
दूध प्याएँ आफ्नै ठानी, सुरा टन्न सकिएन ।
लुटियो सब घन खन्ती कोदालो र गैंचीहरू
हत्केलाको भरमा मात्रै बाटो खन्न सकिएन ।
सर्वस्व नै गुम्यो तर सर्वस्व नै बाँकी रह्यो
दाहिने भइन् ‘दुर्गा’ माते साहस धन्न सकिएन !
२०७१ बैसाख
काठमाडौ ।
