नेपाली हास्यव्यङ्ग्य अनलाइन पत्रिका

टुक्र्याइ टुक्राहरू पार्न थाले
काटेर फोरेर निचोर्न थाले
नेपालको यो गति हुन्छ कस्तो ?
बिलो बिलो पारी छिरोल्नु जस्तो ।

माटो र पानी पनी हुन्छ देश
स्थानीयतामा पनि हुन्छ देश
समूह नानासित हुन्छ देश
भूगोलमा हुन्छ सीमित देश ।

यो भौतिकी पक्ष छ देश चिन्ने
तथापि अर्काे पनि हुन्छ चिन्ने
भाषा भुसा भेस र भावनामा
रहन्छ आधार स्वदेश चिन्ने ।

बिलो लगाएर चुँडाल्नु हुन्न
टुक्रा र टुक्रीहरू पार्नु हुन्न
भन्ने थियो मन्त्र यसै हरायो
नेपालमा राहु र केतु आयो ।
भद्रपुर, झापा