हरि खनालकति रुनु किन हाँस्नु
गैरी खेत जम्मै बेची काठमाडौंमा बसेको छु
भूकम्पको धक्कासँगै तलाबाट खसेको छु ।
घर हेर्दा डर लाग्छ पालभित्र सुत्ने गर्छु
हरे राम कङ्क्रिटको जङ्गलभित्र पसेको छु ।
हिजोसम्म भुइँतिर फर्किएर थुक्ने गर्थें
भूकम्पले भुइँमै ल्यायो दुर्दशामा फसेको छु ।
पाँच तले मसानले गिज्याउँछ घरिघरि
पाल पनि उड्ला भन्दै डोरी किन्दै कसेको छु ।
बिहे गर्ने कुरा भाथ्यो यौटीसँग केही पहिले
घर देखर भागी मोरी खरानी पो धसेको छु ।
२०७२ बैशाख ३०
धादिङ
Subscribe
Login
0 Comments
Oldest
